Walang week 4 dahil may problema sa internet connection ng mga bagets pero ang totoong interruption ay nangyari sakin for 20-30 seconds during class. Ako na nag-invest na sa LAN cable, UPS, at mas mataas ng internet speed para lang hindi magkaproblema sa synchronous classes. Sabi lang ng mga student, “Welcome to manila, ma’am.” Tawang-tawa ako na nakakalungkot. Awang-awa rin sa student kanina na labas-pasok sa Zoom meeting dahil nawawala connection. Naka-record lahat ng session para walang ma-miss out sa discussion ang mga bagets.Yun lang sana kayanin pa rin ng internet nila ang panunuod. May kasama pang PDF format ng visuals.

5 minutes bago mag-start ang klase, may panahon para magkamustahan sa mga early birds. So kinamusta ko sila via live typing sa Word. Naka-on ang mic ng mga gusto sumagot. o di ba, kunwari poem. May app ba para live din silang sumagot kung gusto nilang mag-type?

Na-realize ko rin na nung pumapasok pa ako noon sa UP ay puro pambahay ang suot ko kasi mahirap pumorma pag sumasakay sa harap ng jeep. Ngayon namang online ang klase, lahat ng damit kong pang-alis na maganda, yun ang nasusuot ko tapos pambahay ko na rin para tipid sa labada.

Nakaka-drain ang 1 1/2 hours na klase. in between classes kumakain ako or nagpa-powernap. Tapos naka-alarm ng 3 beses ang phone ko para magising ulit. During class din ay nagsasaing na ako para makatipid sa oras tapos makakain agad after ng klase. Ako lahat eh. Wala na yung food sa tapsilog sa Rodic’s, pork giniling sa NISMED, LOD ng Choco Kiss, at liempo ng Art Circle. Kainis. Nagtitiis ako sa luto ko.

No synchronous class pero bukas at recorded ang Zoom para sa learner-to-learner interaction. Aba sila-sila naman mag-usap. Collab ang theatre practice, dapat collab din sa klase ang discussion. Nagtitser din ako para matuto ano. Hahaha.N

akakatuwa lang din sila kasi para silang yung mga kapatid mong naglalaro ng titser-titseran. Nakakakuha ka ng insights kung paano sila mag-aral, gaano karaming oras ang binibigay nila sa pagbabasa, paano nila naiintindihan ang mga konsepto, minsan paano nila kinokontra at sinasagot ang sarili nila, at minsan paano nakakatulong ang pagtuturo para naa-assess mo sarili mo kung naiintindihan mo ba talaga ang pinagsasabi mo.

Tapos nagtatanong ako sa kanila para tulungan silang sagutin yung sarili nilang mga tanong. Sinusuportahan ko ang idea nila ng iba ko rin idea. Nakakatuwa rin na nagpapasok sila ng mga natutunan sa ibang klase nila para i-relate sa theatre and performance.

Pinakamasaya ako pag nababanggit nila na, “Akala ko dati ito lang yun tapos binasag/winasak/iniba nung binasa/napanuod/nalaman ko ito.”

Nakakapagod pa rin magsalita na hindi mo makita mukha nila kung gets nila. Nakakatulong ang mga “reaction” sa Zoom frame para nakikita ko kung nakikinig pa sila. Ako naman laging nakabukas ang camera para may mukha silang makita. Nakaka-conscious lang kasi vlogging na teaching. Nakakatulong na magsuklay at magdamit na pang-alis para lang maiba naman ang araw mo.

Okay ang set-up na ganito pag maliit ang klase. Kapag marami na kailangan na ng breakout rooms pero sana kayanin ng WIFI.

Sa totoo lang, hindi ko alam paano kung mobile data pa rin ang gamit ko. Walang ganitong privilege na nakakapag-Zoom, Canva, Google Classroom, Jamboard, etc. Totoo ang FOMO sa mga walang access sa maayos sa internet. Yan ang buhay ko 2 months ago. May notebook ako para sa budget ng mobile data. Ako ang theatre coordinator noon tapos may 2 tao akong tinturuan para ireport ang report ko sa panahong madidisconnect ako. Nakiki-WIFI din ako sa friends para lang makapagpatakbo ng orientation, meetings, at hiring ng faculty. Kaloka.

Also, doble na ang bill ko sa Meralco. UPD, beke nemen.

image: The Guardian

P.S. Greek chorus ang virtual background this week dahil sa topic namin sa Theatre History. Yang pa-costume ginagawa ko lang yan before and after class kasi trip ko lang. Sana pag F2F na may pa-ganito pa rin. Hirap lang i-commute ng costume and props.

may allergies pero gumising para sa 8:30 class.

natutunan ko sa UPD OAT TEC na ang pa-warm-up ay Just Dance. Di ko alam kung sumayaw sila pero pag nakapatay camera ko sumasayaw ako para magising. ANG AGAAAA! 8:30.a.m. class kung kailan may dumadaan na taho. huhuhuhu. hindi ko matawag yung magtataho. tapos enter basura truck sa gate. Eh may magandang pa-music ang basura truck namin sa Pasig so may libreng pa-music.

kanina, nag-hang na 1 sec ang WIFI or laptop ko. so nawala virtual background ko at nakita ang #KALAT2020 ko sa bahay. hahahaha.

nakakaloka rin pala ang CANVA. akala ko pag na-convert na to powerpoint kapareho talaga ang itsura. may ibang mga letter na naka-all caps na hindi naman dapat. weird. pag naka-share screen din sa Zoom, tapos hindi kasya sa frame, naiiba rin istura ng powerpoint. pangit. so need ko magrehearse ng materials ulit.

masaya din ang Google Jamboard para sa mga introvert na ayaw magsalita, nakikita ko rin thoughts nila.

crucial ang 2nd week kasi after ng intro at chika-chika sa first week, sineset-up ko na sila for independent study para sa mga susunod na linggo puro consultations at sumasagot na lang ng questions sa lahat ng digital platforms.

kakaibang feeling ang pagturo ng theatre and performance ngayon. yung walang trabaho, walang palabas. in-update lahat ng materials for theatre history and intro to theatre and performance classes. yung mga tanong nila, tanong din ang sagot ko pabalik. sabi ko pagtulungan namin sagutin ang mga tanong nila. ang hirap isipin nung mga tanong katulad ng livestreaming ng pre-recorded video tapos mawawala ng 48 hours; nagdivide na department para makabuo ng theatre studies dati tapos ngayon ay may mga nagsasarang theatre program ng mga university; broadcasting and liveness; usapang space ng work from home, or living at work. mabuti na may mga student from masscomm, polsci, speech comm, atbp courses na maaaring magcontribute sa mga klaseng ito. mabuti rin na ang theatre majors ay marunong magtuhog ng lecture mula sa ibang klase sa mga klase namin.

Namimiss ko na rin libreng pa-aircon ng UPD. Pamantasang Hirang, beke nemen.

may mga nagme-message para makasama sa klase. malapit na po namin i-share ang ibang klase namin sa publiko. abangan sa October-November.

Friday na. makakatulog na kami ulit nang maayos at makakabalik sa sariling research at creative work.